Доналд Трамп повторно го вклучи кралот во политиката на војната со Иран, тврдејќи дека „веројатно би им помогнал“ на САД во воена операција.
Зборувајќи во Овалната соба за кралската државна посета, американскиот претседател беше прашан за говорот на кралот Чарлс пред Конгресот, кој содржеше не толку суптилни пораки до САД и предупредување за извршната власт, пишува Скај њуз.
Трамп вели дека бил „многу разочаран“ од НАТО откако САД „ги замолија да направат некои работи во врска со Украина и Иран“.
Тој продолжи: „Кралот е фантастичен. Поминавме многу време заедно. Разговаравме многу. Разговаравме и за ова. Тој ја сака својата земја и е одличен крал. И е одличен пријател. Мислам дека ако зависеше од него, веројатно би ни помогнал со Иран“.
Разговорите со кралот – кој не се вклучува во политиката – обично се чуваат во тајност.
За време на говорот на државната вечера во Белата куќа синоќа, Трамп рече дека Чарлс „се согласува со мене, дури и повеќе од мене“ дека Иран никогаш не треба да има нуклеарно оружје.
Портпаролот на Бакингемската палата изјави за ова прашање: „Кралот е природно свесен за долгогодишната и добро позната позиција на неговата влада за спречување на ширењето на нуклеарното оружје“.