Во близина на брегот на Либија, се случи експлозија на танкер со милион барели нафта, објави вчера неговиот менаџер.
Како што објави Блумберг, бродот „Виламура“ моментално се влече во Грција, каде што штетата ќе биде проценета по пристигнувањето.
Експлозијата предизвикала навлегување на вода и поплавување на машинската просторија, изјави портпаролот на компанијата „ТМС Танкерс“.
Точната причина за експлозијата сè уште е непозната, додаде тој.
Во последните месеци, серија мистериозни експлозии ги погодија танкерите што претходно се закотвиле во руските пристаништа.
После тоа, сопствениците на бродови почнаа да ги проверуваат труповите на своите бродови за мини, користејќи нуркачи и подводни возила.
Од април, тој двапати отпловил до руските нафтени терминали
Од април, „Виламура“ двапати отпловил до руските нафтени терминали за да натовари казахстанска, а не руска, нафта.
Според податоците за следење на бродовите собрани од Блумберг, „Виламура“ се закотвил во руското пристаниште Уст-Луга на почетокот на април, каде што натоварил нафта од казахстанско потекло.
Исто така, се закотви во мај на терминалот на Конзорциумот на Каспискиот цевковод во близина на руското пристаниште Новоросијск, каде што главно се товари казахстанска нафта, пишува Блумберг.
Според портпаролот, немало загадување на морето, а сите членови на екипажот се безбедни.
Според „Вангард Тек“, консултантска куќа за поморски ризици, уште четири брода доживеале експлозии од почетокот на годината, а сите неодамна се закотвиле во руски пристаништа.
Украина постојано се обидува да ја поткопа енергетската инфраструктура на Русија откако Москва започна целосна инвазија на земјата.
Во февруари, украински беспилотни летала го нападнаа цевководот на Конзорциумот на Каспискиот цевковод, низ кој минува 80% од извозот на нафта на Казахстан.