Талибанците ги забранија телефоните па ги кршеа (ВИДЕО)

On:
Сподели со своите пријатели

Талибанците воведоа сеопфатна забрана за користење паметни телефони од страна на владини службеници, што аналитичарите велат дека може да биде претходница на многу пошироки ограничувања што би се однесувале на целото население.

Според наредбата на воените судови на Талибанците, забраната се однесува на високи и помлади службеници, обични муџахедини и помошен персонал.

Кој ќе го прекрши правилото, неговиот телефон ќе биде скршен, а против него ќе бидат применети законски и шеријатски казни.

Исклучоци се можни само со писмено одобрение од врховниот лидер Хибатула Ахунџада.

Според информациите од Авганистан, забраната не се спроведува подеднакво низ целата земја.

ПРОЧИТАЈТЕ И:  Туристи загинаа во хеликоптерска несреќа во Кенија

Во некои области, таа се однесува само на државни службеници, додека во некои градови се проширува на жени, цивили, здравствени работници, наставници и ученици.

Аналитичарите веруваат дека Талибанците можеби ги тестираат реакциите на јавноста пред конечно да воведат целосна забрана за паметни телефони.

Оваа одлука доаѓа по претходните обиди на властите да го ограничат пристапот до интернет.

За време на дводневното исклучување на интернет мрежата, кое го оправдаа со борбата против „неморалот“, имаше застој во трговијата, проблеми во банкарскиот сектор, службите за итни случаи и воздушниот сообраќај, поради што властите набрзо го вратија интернетот.

Една од причините за новата забрана би можеле да бидат протестите во Херат по апсењето на жени и девојки за, како што талибанците рекоа, несоодветно носење хиџаб.

ПРОЧИТАЈТЕ И:  Емануел Макрон го објави законот за потпомогнато умирање

Откако на интернет се појавија видеа од протести и наводно пукање врз демонстранти, властите, според аналитичарите, се обидоа да спречат понатамошно ширење на таква содржина.

Талибанците ја оправдуваат забраната и со тврдењето дека државните службеници поминуваат премногу време на телефоните и дека мобилните телефони го олеснуваат протекувањето на доверливи информации.

Двајца вработени од покраината Херат рекоа дека забраната таму трае со месеци и дека нивните телефони биле конфискувани и скршени откако ги донеле на работа.

Аналитичарите истакнуваат дека проблеми како што се губење на продуктивноста и откривање на доверливи информации постојат во многу земји, но дека забраната на паметни телефони како законско решение е речиси без преседан.

ПРОЧИТАЈТЕ И:  Европските мориња достигнаа рекордни температури