Четиринаесет средношколци во Токио итно се префрлени во болница откако јаделе чипс зачинет со лута пиперка, соопшти денеска полицијата.
Околу 30 ученици го изеле чипсот откако еден од нив ги донел на училиште, објавија локалните медиуми, пренесе Би-би-си.
Набрзо некои од нив почнале да се жалат на гадење и остра болка во устата, поради што била повикана брза помош и полиција.
Тринаесет девојчиња и едно момче кои биле пренесени во болница биле свесни и наводно имале благи симптоми.
Еден медиумски извештај наведува дека еден од учениците, момче, донел чипс на училиште „само за забава“.
Компанијата која ги произведува грицките, Isoyama Corp, преку соопштение им се извини на клиентите за непријатностите и им посака на студентите брзо закрепнување.
Веб-страницата на компанијата е полна со предупредувања за оние кои можеби ќе сакаат да ги пробаат чиповите.
Чипсовите се забранети за помлади од 18 години бидејќи се зачинети, а компанијата ги предупредува дури и оние кои сакаат зачинета храна да „јадат со претпазливост“.
„Толку е зачинета што може да ви предизвика болка“, се вели на веб-страницата на компанијата.
Зачинет е со пиперки, кои се одгледуваат во североисточна Индија и се меѓу најлутите во светот.
Јапонската компанија ги советува потрошувачите „да не јадат чипс кога се сами“ и додава дека тие можат да предизвикаат дијареа доколку „се јадат во прекумерни количини“.
На оние со висок крвен притисок и слаб стомак „апсолутно им е забрането“ да го јадат чипсот, се вели на веб-страницата на компанијата и се предупредува дека луѓето со исеченици на прстите треба да внимаваат кога ги отвораат кесите.
Оние кои се „срамежливи или премногу исплашени“ исто така се обесхрабрени да пробуваат чипс, пренесува Танјуг.