Пред спомен плочата на влезот од Секторот за внатрешни работи Куманово денеска со положување свежо цвеќе им беше оддадена почит на загинатите бранители во антитерористичката акција од Диво Насеље во 2015 година.
Свежо цвеќе положија бројни делегации, предводени од министерот за внатрешни работи Панче Тошковски, семејствата на загинатите, нивните колеги, политички партии и навивачката група Кумани.
Во антитерористичката акција во Диво Насеље животот го загубија осуммина припадници на македонските безбедносни сили: Љубиша Аранѓеловиќ, Бобан Ивановиќ, Горан Илиевски, Жарко Кузмановски, Исамедин Османи, Сашо Самојловски, Ненад Серафимовски и Горан Стојменовиќ.
Никола Ивановски