Системите за противвоздушна одбрана NASAM и Aspide пристигнаа во Украина

Сподели со своите пријатели

„Системите за воздушна одбрана NASAM и Aspide пристигнаа во Украина! Ова оружје значително ќе ја зајакне украинската армија и ќе го направи нашето небо побезбедно“, изјави министерот за одбрана Олексеј Резников на социјалните мрежи.

Loading...

Украина во понеделникот (7 ноември) објави дека добила повеќе системи за противвоздушна одбрана од нејзините западни воени сојузници, велејќи дека оружјето ќе помогне во одбраната од руските напади насочени кон енергетската инфраструктура во последните недели.

„Ќе продолжиме да соборуваме непријателски цели кои не напаѓаат. Благодарност до нашите партнери – Норвешка, Шпанија и САД“, додаде Резников.

Руските напади минатиот месец уништија околу една третина од електраните во Украина, а владата ги повика Украинците да ја зачуваат електричната енергија што е можно повеќе.

ПРОЧИТАЈТЕ И:  Гренел: Ако победи Трамп, ЕУ ќе мора да го реши конфликтот во Украина

Властите во Киев во понеделникот соопштија дека ситуацијата околу способноста на градот да ги снабдува жителите со енергија и понатаму е „предизвик“ и ги повикаа Украинците во главниот град да ја ограничат нивната употреба на електрична енергија во одредени периоди од денот.

„Ги замолуваме сите жители на регионот да ги поддржат работниците во борбата на енергетскиот фронт“, се вели во платформата за социјални медиуми Телеграм.

Резников минатиот месец изјави дека Украина го добила првиот одбранбен систем Ирис-Т од Германија.

Сите информации поврзани со најновите случувања со војната во Украина можете да ги прочитате ТУКА.

Loading...