Шпанската полиција започна истрага откако слики на малолетни девојчиња, изменети со вештачка интелигенција за да ја отстранат облеката од нив, беа испратени низ јужниот град.
Сликите се создадени со помош на апликација која користи вештачка интелигенција за да создаде слики од луѓе без облека.
Група мајки од Алмендралеј, град во регионот Екстремадура, пријавиле дека нивните ќерки добиле слики на кои се голи.
Мајката на Миријам Ал Адиб го искористи видеото објавено на нејзиниот инстаграм профил за да ја подигне свеста за ситуацијата.
Една од ќерките ѝ кажала дека некој со апликација ја снимал како да е гола, а после тоа дознала дека истото им се случило на уште десетици девојки.
Франциско Мендоза, претставник на регионалната влада, за локалниот медиум Канал Екстремадура изјави дека полицијата идентификувала некои од младите луѓе кои можеби биле вклучени во правењето на сликите.
Мајките ги споделија своите искуства
Во понеделникот, Пилар Порон, мајка на уште едно од девојчињата, изјави дека нејзината ќерка од еден нејзин пријател дознала дека се појавила гола на фотографијата.
Фатима Гомез, друга мајка, рече дека едно момче се обидело да ја изнуди нејзината ќерка користејќи лажна слика.
Ќерката ѝ покажала разговор со момчето кое ја замолило да му испрати пари, а кога ќерката одбила, момчето и испратило изманипулирана слика на која е гола.
Портпаролката на Високиот суд во Екстремадура изјави за Си-Ен-Ен дека полициската истрага е во тек.
Националната полиција не одговори на барањата за коментар.