Неодамна објавените сателитски снимки покажуваат дека Русија брза да изгради бродови што ќе го надминат ракетниот крстосувач Москва, предводник на Црноморската флота што Украина, наводно, го уништила во раните денови од војната.
Украинското воено издание „Дифенс експрес“ објави сателитски снимки кои го покажуваат напредокот на Русија во изградбата на еден од двата јуришни бродови „Проект 23900“ од класата Иван Рогов.
Наводно, таквите пловила можат да носат до 90 парчиња воена опрема, вклучително и 15 хеликоптери, пишува Newsweek.
🇺🇦🔱New photographs have appeared (as of mid-March) of the hull of the universal landing ship (UDC) “Ivan Rogov” of Project 23900 , which is being built in Kerch at the Zaliv shipyard .
According to satellite images, the maximum length of the Project 23900 ship’s hull is pic.twitter.com/w19QGhFuPl
— Tracey SBU Fella 🇬🇧🇺🇦 #NAFO (@trajaykay) April 3, 2025
Уништувањето на ракетниот крстосувач Москва беше непријатен удар за Владимир Путин, а бродот од класата Иван Рогов наводно е многу поголем од уништениот Москва.
Тоа значи дека Русија има намера да го врати својот поморски кредибилитет по серијата загуби што ги претрпе Црноморската флота.
Да потсетиме дека Москва потона откако Украина во 2022 година тврдеше дека го погодила тој брод со проектили и предизвикала значителна штета.
Тогаш Русија ги отфрли тие тврдења и зборуваше за пожар на бродот што предизвикал експлозија на муницијата.
Врз основа на сателитски снимки, бродот од класата Иван Рогов би можел да биде долг околу 220 метри и широк 40 метри. За споредба, бродот „Москва“ бил долг 186 метри.
Defence Express ги спореди новите слики со оние од јули минатата година, кои беа објавени од истражувач на OSINT на X.
Во тоа време, трупот на бродот само што почнуваше да се обликува, што значи дека Русите постигнале значителен напредок во овој проект за помалку од една година, пренесува Defence Express и додава дека Иван Рогов затоа би можел да ја надмине Москва по големина и можности, пишува Јутарњи.
Иван Рогов може да прими до 900 маринци и управува со 75 парчиња борбена опрема, три помали авиони за слетување и 15 хеликоптери, пренесува Newsweek.
@MT_Anderson Can you help us find out how much the Project 23900 Landing Assault Ship at the Zaliv Shipyard has changed over the year? pic.twitter.com/PORhtHEljz
— Massimo Frantarelli (@MrFrantarelli) June 20, 2024