Руското товарно вселенско летало „Прогрес МС-34“ ќе достави свежо овошје и зеленчук до Меѓународната вселенска станица, вклучувајќи јаболка, портокали, грејпфрут, кромид и лук, изјави денес Александар Агурејев, раководител на одделот за исхрана во „Институтот за биомедицински проблеми“ (IBMP) на Руската академија на науките.
Агурејев изјави за РИА Новости дека за исхраната на космонаутите се планирани разни предјадења, супи, главни јадења и пијалоци, како што се сокови, чаеви и кафе.
Лансирањето на вселенскиот товарен брод до Меѓународната вселенска станица е закажано за 26 април со ракетата Сојуз-2.1а од Бајконур.
„Овој пат, изборот на свежо овошје и зеленчук се состои од јаболка, портокали, грејпфрут, лук и кромид“, рече Агурејев.
Според него, оброците што ќе бидат доставени до Меѓународната вселенска станица вклучуваат разни предјадења, како што се белуга, есетра во желе, мелено свинско месо со јајце, телешко или јагнешко месо со зеленчук, костур со прилог од зеленчук и месо и зеленчукова чорба.
На вселенската станица ќе бидат донесени различни видови супи, додека меѓу главните јадења, космонаутите ќе можат да избираат од чорба од модар патлиџан со компири, свинско филе со пире од компири, печурки, омлети, зеленчукови супи и салати од зелен грав или цвекло, пренесува Танјуг.