Руските сили ги интензивираат копнените и воздушните напади за да го освојат источниот украински град Авдијивка, изјави највисокиот функционер на градот.
„Работите во секторот Авдијивка станаа уште потешки. Интензитетот на конфликтот веќе некое време се зголемува“, изјави за медиумската куќа Еспресо ТВ, шефот на воената администрација на Авдијивка, Виталиј Барабаш.
„Русите отворија уште два сектори од кои ги започнаа своите напади – во правец на Доњецк… и во таканаречената индустриска зона. Непријателот се обидува да го нападне градот од сите страни“.
Официјални лица велат дека ниту една зграда не останала недопрена по неколкумесечни битки во градот познат по својата голема фабрика за коксирање.
Остануваат помалку од 1.500 жители од 32.000 пред војната.
Голем дел од борбите се насочени кон индустриската зона и фабриката за коксирање.
Барабаш претходно изјави дека украинските сили ги потиснале руските сили во последните денови во близина на Степов, село северозападно од Авдијивка, прицврстувајќи ги во близина на железничка линија.
Украинските и западните воени аналитичари велат дека Русија претрпе големи загуби, иако битката за градот ретко се споменува во официјалните руски воени депеша.
Руските воени блогери објавија и за украинските успеси во близина на Авдијевка минатата недела.
Во понеделникот, руските извештаи велат дека московските трупи обезбедиле контрола врз индустриската зона и се обидувале да упаднат во фабриката за кокс.
Сите информации поврзани со најновите случувања со војната во Украина можете да ги прочитате ТУКА.