Во текот на ноќта, руските вооружени сили извршија напад врз објект на транспортна инфраструктура и логистички центар во Киев и околниот регион, објави руското Министерство за одбрана.
Според соопштението, погодено е железничкото депо „Дарница“, клучно претпријатие на Југозападната железница на Украина.
Руското министерство прецизираше дека во текот на ноќта руските вооружени сили започнале напад користејќи прецизно оружје од копно и дронови со долг дострел и дека погодено е локомотивно депо „Дарница“, каде што се врши одржување и поправки на локомотиви што транспортираат оружје и воена опрема за украинските вооружени сили, јавува ТАСС.
Претходно, украинските власти објавија дека во рускиот напад врз Киев со балистички ракети, запален е магацин во еден од окрузите на украинската престолнина, а едно лице е убиено, а друго е повредено.
Според соопштението, пожарот избувнал во областа Дарница, а обемот на штетата сè уште се утврдува, јавува Укринформ, пренесува Танјуг.