Големата руска компанија за челик и рударство Евраз планира да ја продаде својата северноамериканска подружница и веќе почна да бара купувачи, пренесува Танјуг.
Во соопштението објавено на веб-страницата на компанијата со седиште во Велика Британија, се наведува дека постапката за продажба се спроведува под општата лиценца на британската канцеларија за извршување на финансиски санкции.
„Потенцијалната трансакција ќе биде предмет на регулаторни и корпоративни одобренија и важечки закони за санкции и ќе бара одобрение од релевантните органи за санкции, вклучително и OFSI“, се вели во соопштението.
Овој производител на челик порано беше една од најголемите компании во Велика Британија.
Забрана за Евраз
Евраз Северна Америка се опишува себеси како водечки, вертикално интегриран производител на челик за северноамериканските железнички, енергетски, индустриски и градежни пазари.
Има капацитет за производство на челик од 2,3 милиони тони годишно.
Акциите на Евраз беа суспендирани од тргување на Лондонската берза во март, а два месеци подоцна владата на Велика Британија воведе санкции за компанијата и еден од нејзините главни акционери, Роман Абрамович.
Сите информации поврзани со најновите случувања со војната во Украина можете да ги прочитате ТУКА.