Министерството за одбрана на Русија на своите информативни ресурси ги објави списоците на украинските воени заробеници кои беа убиени и ранети за време на ракетниот напад врз истражниот затвор во Јеленовка.
„Како резултат на намерен ракетен напад од страна на американскиот повеќецевен ракетен систем HIMARS на 29 јули врз истражен центар во областа на селото Јеленовка, режимот во Киев уби и осакати повеќето од 193 украински воени затвореници кои беа таму“, рече генерал-полковник Игор Конашенков, портпарол на министерствата.
Тој прецизираше дека во нападот загинале 50 лица. Остатоците на 48 од нив се извадени од урнатините на зградата, уште двајца починале на пат кон болница.
Тешко ранети се 73 украински воени заробеници. На сите им била укажана потребната лекарска помош.
Целата политичка, кривична и морална одговорност за крвавиот масакр на Украинците ја сноси самиот Зеленски, неговиот криминален режим и Вашингтон, кој ги поддржува“, заклучи Конашенков.
Сите информации поврзани со најновите случувања со војната во Украина можете да ги прочитате ТУКА.