Руските сили почнаа да ги таргетираат целите во Киев кои досега не беа во фокусот на нивните напади – големите мостови над Днепар.
Јужниот, или Пивденски мост, еден од најважните сообраќајни правци во украинскиот главен град, беше постојано напаѓан од беспилотни летала од четврток наутро до раните часови во петок.
Нападите предизвикаа сериозни проблеми во сообраќајот.
Властите ги затворија Јужниот и Патонскиот мост во двата правци, додека сообраќајот на Метро мостот кон десниот брег е ограничен.
Рутите на неколку автобуски и тролејбуски линии исто така се променети.
Градоначалникот на Киев, Виталиј Кличко, потврди дека Јужниот мост е целосно затворен за сообраќај.
Според „Киев пост“, ова е прв пат од почетокот на руската инвазија беспилотни летала да ги погодат главните мостови на Киев, што би можело да укаже на проширување на руската кампања против инфраструктурата критична за функционирањето на украинските градови.
Јужниот мост ги поврзува источните и западните брегови на Киев, а патниот сообраќај и Зелената линија на метрото минуваат над него. За време на првиот напад, воз на метрото штотуку го преминувал мостот.
Нападите започнале во четврток наутро, кога два дрона погодиле област во близина на потпорната конструкција.
Сообраќајот потоа бил запрен за инженерите да го проверат мостот.
Првите проценки покажале дека нема критична штета, па затоа дел од сообраќајот бил повторно воспоставен.
Сепак, нападите не престанале.
Неколку часа подоцна, уште еден руски дрон го погодил патот, а по полноќ бил регистриран уште еден удар.
Службите за итни случаи секој пат оделе на терен, додека властите неколку пати го затворале и повторно го отворале сообраќајот.
Серијата напади доаѓа неколку дена откако Украина соопшти дека добила руски документи кои наводно откриваат планови за зимски напади врз клучната инфраструктура.
Денис Шмихал изјавил дека украинските разузнавачки служби добиле два обемни документи со податоци за можни напади врз производството на електрична енергија, греењето, водоснабдувањето, канализацијата и другите енергетски системи.
Според украинските тврдења, документите дури содржат пресметки за видовите и количините на оружје потребно за уништување на одредени објекти – од балистички ракети до конвенционални и млазни дронови.
Интерконектори преку кои Украина увезува електрична енергија од Европа се наводно меѓу потенцијалните цели.
Во меѓувреме, Украина изгради повеќе од 200 заштитни структури околу приоритетни инфраструктурни локации и распоредува опрема за итни поправки, подготвувајќи се за нов бран руски напади оваа зима.
While Trump is blackmailing Ukraine into not striking the russian oil refineries to save his midterms, russia crosses a red line by striking a pylon of Pivdenny Bridge in #Kyiv. The bridge is a major automotive artery joining the banks of Dnieper and carrying the Green subway… pic.twitter.com/Jl8N8NeTtR
— Olga Klymenko (@OlgaK2013) October 1, 2026