Руските сили се подготвуваат за „најтешката досега“ битка за стратешки важната област Херсон на југ, изјави украински официјален претставник, пренесува Гласот на Америка (Гласот на Америка).
Кремљ се подготвува да го одбрани Херсон, најголемиот град кој сè уште го контролира, додека Украинците тргнуваат во офанзива.
Властите во областа одредена од Москва го евакуираат населението на источниот брег на Днепар, „но нема индикации дека армијата има намера да го напушти градот“, изјави советникот на украинскиот претседател Олексеј Арестович.
„Русите ја обновуваат армијата и ја прегрупираат армијата. Тоа значи дека никој нема да се повлече, напротив. Во Херсон ќе се одржи една од најтешките битки“, додаде Арестович.
Од четирите области кои претходно ги анектираше рускиот претседател Владимир Путин, Херсон е стратешки најважна бидејќи ја контролира и копнената рута кон Крим, која Русија ја анектираше во 2014 година.
Сите информации поврзани со најновите случувања со војната во Украина можете да ги прочитате ТУКА.