Русија и САД почнаа разговори за проекти поврзани со ретките метали, изјави денеска за весникот „Известија“ Кирил Дмитриев, генерален директор на Рускиот фонд за директни инвестиции (РФИФ) и специјален претставник на рускиот претседател за инвестиции и надворешна економска соработка.
Loading...
„Ретките метали се важна област за соработка и, се разбира, започнавме дискусии за различни ретки земни метали и проекти во Русија“, рече Дмитриев, пренесе агенцијата Интерфакс.
Според Дмитријев, некои американски компании веќе покажале интерес за овие проекти.
Тој претходно изјави дека Русија има неколку пати поголеми резерви на ретки метали од Украина и дека земјата може да соработува со САД и други земји во оваа област.