Генералниот директор на Роскосмос, Јуриј Борисов, изјави денеска дека Русија и Кина неодамна потпишаа договор за меѓународна научна лунарна станица.
„По детална анализа на просторот за слетување со автоматски сонди, земање примероци од почвата и испитување на присуството на вода, ќе преминеме на следната фаза. Веројатно и најверојатно во близок контакт со нашите кинески партнери, тоа ќе вклучи изградба на иден лунарен систем Неодамна потпишавме договор со кинеската страна за заедничка работа во оваа област“, изјави Борисов на ТВ каналот „Росија-24“, а пренесе агенцијата ТАСС.
Руската државна вселенска агенција Роскосмос и кинеската Национална вселенска администрација CNSA открија патоказ за меѓународна научна лунарна станица на Глобалната конференција за вселенско истражување во Санкт Петербург минатиот јуни.
Според патоказот, изградбата на лунарната станица се очекува да биде завршена до 2035 година, наведува руската агенција.
Во периодот од 2026 до 2030 година се планирани две мисии за тестирање на технологијата на слетување и испорака на товар и транспорт на примероци од лунарната почва на Земјата.
Плановите предвидуваат развој на инфраструктура во орбитата и на површината на Месечината во периодот од 2031 до 2035 година, особено комуникациски системи, електрична енергија, истражувачка и друга опрема.