Рускиот претседател Владимир Путин ги истакна блиските врски меѓу Москва и Пекинг на средбата со кинескиот премиер Ли Кианг, на која и претходеше потпишување билатерални договори во енергетскиот сектор.
Нашите земји разработија долгорочни заеднички планови, како во економската, така и во хуманитарната сфера, рече Путин, а пренесе државната агенција ТАСС.
Нашите трговски односи се развиваат успешно“, рече и Путин, пренесува Интерфакс.
„Вниманието што двете влади го посветуваат на економските и трговските односи ги покажува своите резултати“, додаде тој.
„Стратешко партнерство“
Пред средбата со Путин, Ли разговараше со рускиот премиер Михаил Мишустин.
Путин рече дека Мишустин и Ли „потпишале серија билатерални договори насочени кон подобрување на нашата соработка“ со главен фокус на енергијата, пренесува Хина, повикувајќи се на агенцијата ДПА.
Мишустин рече дека Русија е веќе најголемиот снабдувач на Кина на нафта и додаде дека „во блиска иднина ќе го заземеме првото место и за природен гас“.
Путин последен пат ја посети Кина во мај. Двете земји делат антагонизам кон Западот, а во последните години се зближија и прогласија стратешко партнерство.
Сепак, многу набљудувачи сметаат дека економската велесила Кина го има главниот збор во овој сојуз, оставајќи ја Русија во улога на снабдувач на суровини и помлад партнер.