Путин: Продолжување на договорот за жито по истрага и гаранции

Сподели со своите пријатели

Рускиот претседател Владимир Путин му рекол на турскиот претседател Реџеп Таип Ердоган дека е можно повторно пристапување на Русија кон договорот за жито по истрагата за нападот врз Севастопол и безбедносните гаранции на Украина, соопшти денеска прес-службата на Кремљ по телефонскиот разговор меѓу двајца лидери.

Loading...

„Неопходно е да се спроведе детална истрага за околностите на обидот за напад врз инфраструктурата и бродовите на Црноморската флота во Севастопол, како и да се добијат реални гаранции од Киев за строго придржување кон Истанбулските договори, особено некористење на хуманитарниот коридор за воени цели. Дури потоа ќе може да се размислува за продолжување на активностите во рамките на иницијативите на Црноморската флота“, се вели во соопштението на Кремљ, пренесува ТАСС.

ПРОЧИТАЈТЕ И:  Путин: Русија не планира инвазија на Европа, тоа е целосна глупост

Претседателот на Русија потсети и дека не е исполнет вториот дел од пакетот договор, кој требаше да го деблокира извозот на руски земјоделски производи и ѓубрива на светските пазари.

Ердоган му рекол на Путин дека Турција продолжува да ги презема неопходните чекори за решавање на проблемите поврзани со спроведувањето на договорот за жито.

Русија во саботата објави дека го суспендира своето учество во договорот за жито по нападот во Севастопол врз воените бродови на Црноморската флота и трговските бродови ангажирани за обезбедување на коридорот за жито.

Договорот што го постигнаа Украина и Русија на 22 јули во Истанбул, со посредство на Обединетите нации и Турција, резултираше со извоз на неколку милиони тони прехранбени производи од пристаништата на Црното Море во Украина.

ПРОЧИТАЈТЕ И:  Кремљ се огласи за блокирањето на Телеграм: „Во моментов нема такви планови, но...“

Руското Министерство за одбрана соопшти дека министерот Сергеј Шојгу денеска разговарал за договорот за жито со неговиот турски колега Хулуси Акар, втор пат во два дена.

Како што прецизираат од министерството, телефонскиот разговор бил на иницијатива на Турција.

Loading...

Турскиот министер за надворешни работи Мевлут Чавушоглу денеска најави дека е неопходно да се надминат проблемите за да се одржи производството и извозот на жито во рамките на договорот за жито постигнат во јули оваа година меѓу Киев и Москва, со посредство на ОН и Турција, пренесе Ројтерс.

Во изјава за новинарите, Чавушоглу најави дека турскиот претседател во наредните денови ќе разговара за ова прашање со лидерите на Русија и Украина.

ПРОЧИТАЈТЕ И:  Кремљ се огласи за блокирањето на Телеграм: „Во моментов нема такви планови, но...“

Русија во саботата објави дека го суспендира своето учество во договорот за жито по нападот во Севастопол врз воените бродови на Црноморската флота и трговските бродови ангажирани за обезбедување на коридорот за жито.

Сите информации поврзани со најновите случувања со војната во Украина можете да ги прочитате ТУКА.