Утревечер со почеток во 18 часот во фоајето на Центарот за култура „Трајко Прокопиев“ Куманово ќе се одржи промоција, презентација и популаризација на едно поинакво, автентично дело од авторката Дијана Петкова.
Промотор на делото „Скротителка на змејови“ хаи (бун) наку ќе биде Елена Пренџова, а гости кои ќе го надополнат настанот со своите индивидуални произнесувања се Наташа Малинка – Миновска и Емилија Дамјановиќ.
Хаи(бун)наку, е нова кратка форма на изразување-вкрстувачки жанр, варјанта на хаибунтот. Станува збор за едноставна форма, достапна за сите оние што сакаат на едноставен начин да му соопштат нешто на светот, форма во која раскажувачот и поетот договориле средба на една страница.
„Скротителка на змејови“ е збирка текстови на куса модерна хибридна книжевна форма именувани од страна на авторката Дијана Петкова како хаи(бун)наку.
„Скротителка на змејови“ е книга за секого … Книга за прочит! … како што истакнала Елена Пренџова.
Дијана Петкова е родена во Скопје каде што и денес работи, твори и живее. Дипломирала на Филолошкиот факултет на групата Македонски јазик со историја на книжевностите на југословенските народи. Автор е на следниве збирки поезија „ Стефанија“(1999), „Деца од свила“(2011), „Нова реалност за просторот“(2013), „Честичка свесност“(2014), „Мамо што има за јадење?“(2016),„Енсо*Поврзување со целоста“(2017), „Поврзи се..“(2018), „Растајнување на светлината“(2019), „Момент на денот“(2020) и „Скротителка на змејови“.
Интегрално соопштение