Припадник на исламистичкото палестинско движење Хамас и неговиот син и ќерка се убиени во денешниот израелски напад врз Саида, голем град на југот на Либан, изјави палестински извор за агенцијата Франс прес.
Ударот во зори беше насочен кон станот во кој престојуваше мажот и неговите две возрасни деца, рече еден Палестинец, кој не сакаше да биде именуван.
Либанската национална новинска агенција АНИ објави дека три лица биле убиени во напад на „непријателски дронови“ врз станбена зона на градот, и покрај прекинот на огнот меѓу Либан и Израел.
Кревкиот прекин на огнот е на сила во Либан од ноември, кога заврши повеќемесечната прекугранична војна меѓу Израел и Хезболах.
Според условите на прекинот на огнот, израелските сили требаше да се повлечат од либанска територија до крајот на јануари, додека Хезболах требаше да го прекине своето вооружено присуство јужно од реката Литани долж границата со Израел.