Шумски пожар беснее во североисточниот дел на канарскиот остров Тенерифе, кој го отежнува силниот ветер.
Жителите на околните населени места беа евакуирани како мерка на претпазливост, а беше прекинат и пристапот до шумата околу вулканот Теиде.
Во гаснењето на пожарот што избувна завчера учествуваа 11 хеликоптери и 150 пожарникари, а мобилизирана е и единицата за итни случаи.
Според првите проценки, од пожарот е зафатена површина од 150 хектари.
Пожарот што избувна вчера вечерта беснееше низ шумска област со стрмни клисури во североисточниот дел на канарскиот остров Тенерифе, што им отежна на пожарникарите да го изгаснат пожарот.
Some scary scenes coming out of Tenerife in the Canary Islands, Spain as an out-of-control wildfire continues to grow. The fire is now exhibiting extreme fire behaviour due to very dry conditions. A mandatory evacuation is in effect for villages threatened by the wildfire. pic.twitter.com/fE6pW0TXzm
— Nahel Belgherze (@WxNB_) August 16, 2023
– Пожарот е силен и се наоѓа во комплицирана област, изјави регионалниот лидер на Канарските острови Фернандо Клавихо на прес-конференција во Тенерифе.
– Напорите се насочени кон спречување на пожарот да се прошири на претежно станбени места во близина на брегот, додаде тој.
Околу 10 хеликоптери испуштаат вода, а 150 пожарникари и 50 војници работеа на локализирање на пожарот.
Властите велат дека може да биде потребно повеќе од еден ден за да се стави пожарот под контрола.
Пожарот уништи околу 130 хектари земјиште во близина на вулканот Теиде, највисокиот врв во Шпанија.
WEF’s appetite for beautiful islands
Spain: Catastrophic forest fires have been reported on the island of Tenerife. 3,000 people were evacuated. pic.twitter.com/gd7TtKMbfI— Jack Straw (@JackStr42679640) August 17, 2023
За неколку часа пожарот се прошири на повеќе од 300 хектари, а има и многу секундарни пожари, изјави Педро Мартинез, шеф на итната служба на Тенерифе.
Селата Аррате, Чивисаја, Медиа Монтаа, Ајафоа и Лас Лагунетас беа евакуирани, а локалните власти соопштија дека ќе бидат преземени дополнителни мерки во текот на денот.
Роза Давила, претседател на советот на Тенерифе, рече дека сите пристапи до планините на островот се затворени.
Таа ги повика жителите и туристите да се држат настрана од пошумените области поради опасноста од натамошно ширење на пожарот.
– Ова го правиме за да спречиме какви било инциденти, рече Давила.
Минатата недела топлотниот бран на Канарските острови остави многу области целосно суви и го зголеми ризикот од пожар.
Ова лето пожарникарите гаснеа голем број пожари на островите Гран Канарија и Ла Палма, кои се дел од архипелагот на Канарските острови.
Два аеродроми во Тенерифе работат нормално, јавува Радио Канариас.
Пожари на југот на Франција
Пожари има и на југот на Франција, долж границата со Шпанија. Повеќе од 3.000 луѓе беа евакуирани, меѓу кои и туристи од четири кампови.
Пожарот, со кој се борат повеќе од 500 пожарникари, зафати 50 мобилни домови.
Во гаснењето учествуваа повеќе од 10 противпожарни авиони и хеликоптери.