Пожар во Калифорнија: Двајца загинати, се бара евакуација на 3.000 куќи

Сподели со своите пријатели

Најмалку две лица загинаа, а илјадници беа повикани да ги напуштат своите домови поради пожар што избувна во вторникот во Калифорнија, во областа на Лос Анџелес, која во моментов е зафатена од висока топлина, јавува агенцијата АФП.

Loading...

Според првиот извештај на пожарникарите, едно лице е хоспитализирано поради тешки изгореници.

Пожарникарите ги повикаа жителите на повеќе од 3.000 куќи да се евакуираат, додека властите истовремено предупредуваат на можноста за прекин на струјата.

ПРОЧИТАЈТЕ И:  Кина и Јапонија согласни за потребата од подобрување на односите

Горат 1.600 хектари земја

Пожарот избувна во понеделникот во близина на градот Хемет, југоисточно од Лос Анџелес, и изгоре повеќе од 1.600 хектари. Изгореа неколку згради, а училиштата во областа беа затворени.

Пожарот „многу брзо се прошири, пред да пристигнат пожарникарите“, објасни портпаролот на пожарникарите на Твитер.

Покрената е истрага за утврдување на причините за пожарот. Во исто време, компанијата за снабдување со електрична енергија Јужна Калифорнија Едисон пријавила дефект во моментот на пожарот во областа.

ПРОЧИТАЈТЕ И:  Северна Кореја истрела уште една ракета

Таа компанија веќе платила милијарди долари за пожарите во Калифорнија предизвикани од нејзината лоша инфраструктура.