Полицијата истражува корупција во фабриката на Мерцедес. Во прашање се милиони!

Сподели со своите пријатели

Мерцедес потврди дека неговите вработени се осомничени за корупција, а милиони се во прашање.

Loading...

Мерцедес за германски БИЛД потврди дека компанијата е вмешана во корупцискиот скандал само како жртва.

Главниот јавен обвинител Аниело Амбросио од јавното обвинителство во Штутгарт беше поконкретен.

„Истрагаме две лица под сомнение за корупција и примање мито во деловното работење“, рече тој.

Според достапните информации со кои располага германскиот магазин, станува збор за милиони евра.

Корпоративните кругови зборуваат за еден од најголемите откриени случаи на поткуп во концернот Мерцедес.

Во првите извештаи се вели дека обвинетите успеале со паметни трикови да се осигураат дека одредени добавувачи го добиле договорот, а за тоа биле дебело наградени.

ПРОЧИТАЈТЕ И:  Маж уапсен поради обид за убиство на војник во Англија

Портпаролот на Мерцедес, Јоханес Лајферт, одговорен за правни работи во Мерцедес, рече: „Ние сме оштетената страна во овој случај и поднесовме жалба“.

Loading...

Јавното обвинителство во Штутгарт потоа ја задолжи Државната канцеларија за криминалистичка полиција (ЛКА) во Штутгарт за истрага.

Кон крајот на минатата недела полицијата конечно пристигнала во Мерцедес и ги пребарала просториите на фабриката во Синделфинген.

Потоа на пријавените им ги одзеле компјутерите и мобилните телефони.

Многумина се прашуваат зошто била ангажирана државната криминалистичка полиција, а не локалната полиција.

Достапните информации укажуваат дека се работи за многу сложена корупција од огромни размери која трае долги години.

И додека полициските експерти за економски криминал ја чешлаат фабриката, особено секторот за набавки, од Мерцедес велат дека целосно ги поддржуваат надлежните во истрагата и се воздржуваат од дополнителни коментари.

ПРОЧИТАЈТЕ И:  Педро Санчез ќе сведочи во случајот за корупција против неговата сопруга

За потсетување, фабриката на Мерцедес во Синделфинген вработува 35.000 работници, а најважни производи и се класата Е и С, како и електричниот EQS.

Таму се наоѓа и центарот за истражување и развој на Мерцедес.

Loading...