Куба е целосно без струја откако ураганот Иан го погоди западниот дел на островот, соопшти кубанската влада.
Две лица загинаа, а зградите беа оштетени низ целата земја.
„Електричниот систем доживеа целосен колапс“, рекоа властите, откако една од главните електрани не можеше да биде повторно ставена во функција.
Објавено е и видео од ураганот од вселената, односно од Меѓународната вселенска станица.
На кубанската државна телевизија, шефот на Управата за електрична енергија објави дека дошло до прекин на електричната енергија низ островот како резултат на дефект на националниот електроенергетски систем, оставајќи 11 милиони луѓе во темнина.
#HurricaneIan was pictured from the space station on Sept. 26, 2022, as the storm was just south of Cuba gaining strength and heading toward Florida. pic.twitter.com/LBDLTP7J6N
— International Space Station (@Space_Station) September 27, 2022
Репортер од државната новинска агенција објави дека термоцентралата Антонио Гутерас не може да се синхронизира.
Со седиште во Матанцас, 100 километри источно од главниот град Хавана, Антонио Гуитерас е најважната енергетска централа во Куба.
Ураган од трета категорија, со ветрови до 195 км/ч (120 милји на час), веќе стигна до брегот на Флорида
Жителите на брегот на Персискиот залив на Флорида ги евакуираат своите домови пред пристигнувањето на ураганот Иан, кој го зафати брегот на Флорида и се очекува да падне вечерва, со разорни ветрови со брзина од 200 километри на час и обилни врнежи од дожд.
Повеќе од 2,5 милиони жители на Флорида се под наредба за евакуација или предупредување, а според Националниот центар за урагани, Иан најверојатно би требало да падне јужно од Тампа, во близина на Сарасота, дом на километри песочни плажи и бројни одморалишта, омилени меѓу пензионерите и туристите.