Поранешниот врховен командант на вооружените сили на Украина Валериј Залужни би можел за неколку недели да ја преземе функцијата украински амбасадор во Велика Британија, изјави советникот на началникот на Генералштабот на претседателот на Украина, Михаило Подољак.
Тој за ТВ каналот Киев24 изјави дека договор за тоа е веќе постигнат и дека протоколарните процедури со британската страна се завршени, пренесува Униан.
„Колку што разбрав, се е официјално договорено. Тој ќе биде амбасадор, добиена е согласност и сите протоколарни процедури на МНР се завршени. Мислам дека ова е прашање на недели, за да се договориме на некои логистички процедури“, рече Подољак.
Украинскиот претседател Володимир Зеленски на 8 февруари го разреши Залужни од функцијата врховен командант на вооружените сили на Украина.
Министерството за надворешни работи на Украина на 7 март објави дека Зеленски се согласил со кандидатурата на Залужни за функцијата амбасадор во Велика Британија.