Победници на регионалните избори во Русија се кандидати поддржани од Кремљ

Сподели со своите пријатели

Кандидати поддржани од Кремљ, очекувано, победија на првите регионални избори во Русија по инвазијата на Украина, објавија државните агенции.

Loading...

Сите 14 актуелни гувернери кои се кандидираа за реизбор ги задржаа своите позиции, додека партијата Единствена Русија на Кремљ го задржа своето мнозинство во повеќето регионални и градски законодавни тела.

Гласањето беше спроведено од петок до недела во повеќе од 80 региони.

Набљудувачите предупредија на знаци на измама

Независните набљудувачи на изборите од организацијата Голос предупредија на бројни знаци на измама, додека руските власти известија дека не се забележани поголеми прекршувања на изборните правила.

ПРОЧИТАЈТЕ И:  САД воведуваат нови санкции за Иран

Пред изборите, опозициските активисти се пожалија дека на кандидатите кои зборувале против руската војна во Украина не им било дозволено да се кандидираат.

Најдобар резултат меѓу гувернерите постигна шефот на Република Бурјатија во Сибир, Алексеј Цјденов.

Тој официјално освои 86,23 отсто од гласовите.

Најскромниот резултат од перспектива на Кремљ постигна Александар Бречалов со 64,38 отсто од гласовите во републиката Удмуртија на реката Волга.

Loading...