Кога мислите на милионерите, сигурно размислувате за многу богати луѓе кои можат да купат сè што сакаат. Но, тоа не е така.
Да се биде милионер веќе не е доволно. Милионерите можат да купат пентхаус или да обезбедуваат приватно школување за децата, но некои работи се над тоа ниво.
Кога Форбс започна да прави списоци со најбогати во 1982 година, целото внимание го украде Даниел К. Лудвиг, кој „тежеше“ 2 милијарди долари. Денес, да се има 2 милијарди долари на списокот „Форбс“ не значи ништо! Даниел К. Лудвиг не би бил денес на списокот на листата на најбогати Американци.
Business Insider направи список на работи што милионерите не можат да ги купат, туку само исклучително богати луѓе – „супер милијардери“:
1. Суперијахти
Не само што се високи нивните цени, туку и одржувањето на нив е толку скапо што да имате милиони не значи дека можете да си дозволите голема јахта.
Околу 10% од цената на јахтата треба да се троши на годишно ниво за нејзино одржување и плата на персоналот. На пример, на јахта од 10 милиони долари, потребни се дополнителни трошоци од 1 милион долари годишно.
2. Приватни авиони
Истото важи и за приватните авиони. Можеби ќе можете да ги имате ако имате сметки од над 100 милиони долари, бидејќи платите на пилотите не се занемарливи.
„Да се поседува авион не е за милионери. Тоа е за луѓе кои вредат од 50, 60, 100 милиони “, рече Крис Батаглија од Meridian Aviation.
3. Спортски клуб
Само најбогатите од најбогатите може да си дозволат да станат сопственици на спортски клуб од светска класа. На пример, во 2014 година, Стив Балмер го купи ЛА Клиперс за 2 милијарди долари.
4. Домашна послуга
Веројатно сфаќате дека ова не е домашна помошничка која ве пегла еднаш неделно.
Полно работно време во кое би биле вклучени шеф на персоналот, менаџерски тим, батлер, асистент, готвач, домаќинка, дадилка, воспитувач, возач и домаќин чини до неколку милиони годишно.
5. Бункери
Ги знаете оние ексцентрици кои се подготвуваат за „судениот ден“ со изградба на бизарни комплекси и бункери? Има се повеќе и повеќе.
Блумберг неодамна напиша дека милијардерите од Силиконската долина во последно време купуваат бункери во Нов Зеланд, од кои некои чинат до 20 милиони долари.