Пензионерите од МЗ ”Гоце Делчев” отворија центар за дневен престој (видео)

Пензионерите од огранокот „Гоце Делчев“ при ЗП Куманово, вчера  го официјализираа отварањето на нов „Центар за дневен престој на пензионерите“ – во народот популарно познат како „Клуб“ – „Гоце Делчев“.

Со отварањето на центарот за дневен престој, пензионерите кои живеат во овој дел од градот ќе имаат свое катче каде што ќе можат да поминуваат време, вели Зора Ивановска, претседател на огранокот.

Пензионерите, со оро. читање поезија и песна, но и разни слатки колачиња кои беа подготвени од жените пензионери и со турнир во шах помеѓу ограноците „Гоце Делчев“ и гостите од огранокот „Тоде Мендол“ , на денот кога православните верници го чествуваа името на свети Архангел Михаил го отворија своето долгоочекувано катче за забава и разонода.