Канадската провинција Квебек ќе наплаќа здравствен данок за жителите кои не биле вакцинирани против коронавирусот.
Квебек, кој забележа најголем број на смртни случаи поврзани со корона во Канада, во моментов се бори со големо зголемување на бројот на заразени.
Премиерот во вторникот најави дека прв во земјава ќе ги казни невакцинираните.
Само околу 12,8% од жителите на Квебек не се вакцинирани, но тие сочинуваат речиси половина од сите болнички случаи.
Според федералните податоци, нешто повеќе од 85% од жителите на Квебек примиле најмалку една доза од вакцината до 1 јануари.
Премиерот Франсоа Лего на прес-конференција рече дека луѓето кои не ја примиле првата доза од вакцината ќе мора да платат „придонес“.
Надоместокот сѐ уште не е одлучен, но ќе биде „значаен“, рече тој.
„Мислам дека сега е прашање на правичност за 90 отсто од населението кое е вакцинирано. Мислам дека им должиме ваква мерка“, рече Лего.
Минатата недела, покраината објави дека ќе биде потребен доказ за вакцинација за купување во државни продавници за канабис и пијалоци.
Во сила е и полицискиот час, втор во периодот на пандемијата, кој трае од 22:00 до 05:00 часот секој ден.
Бројот на починати од коронавирусот во Квебек достигна 12.028 во вторникот.
Ова доаѓа откако во претходните 24 часа беа регистрирани 62 смртни случаи.
Процентот на пациенти со коронавирусот на интензивна нега кои не се вакцинирани е 45%, покажуваат податоците на провинцијата.