Опасна дрога сее смрт кај тинејџерите во Србија

Сподели со своите пријатели

Нов, многу опасен вид на дрога, пристигна во Србија од Кина. Меѓу младите е популарна затоа што има продолжено дејство. Нејзините ефекти траат и до осум часа. Во претходните десет дена тројца динејџери починале од предозирање, јавуваат спрските медиуми.

Розовата таблета, нов вид екстази „редбул“ пет пати е посилна од вообичаената. Се претпоставува дека оваа дрога пристигнала од Кина, а една доза може да предизвика кома, а потоа и смрт.

– Во себе содржи исклучително големи количини од стандардната екстази која за жал со години илегално се наоѓа на пазарот, вели Јанко Самарџиќ, клинички фармаколог.

 

Loading...

 

Конзументот, како што велат експертите може лесно да се препознае.

– Најчесто таквото лице многу лесно стапува во контакт со лицата во околината. Тоа уште се нарекува и „хугдруг“ значи дрога на прегратката. Потоа лицето станува подложно на дејството на електронската музика, наведува Самарџиќ.

Подолгата употреба на ваквите психоактивни супстанци освен зависност, предизвикува и психичко пореметување како депресија, анскиозност и шизофренија.

– На детете му требаат се повеќе и повеќе пари. Од друга страна, ако родителот не му даде пари, детето реагира со караници. Она дете кое вчера го познававме целосно се менува, оди во некој непознат правец, тоа е добар показател, вели психологот Милан Радовановиќ, пренесува РТС.

Она што загрижува е дека границата на оние кои консумираат психоактивни супстанци се поместува, па според некои истражувања младите веќе на 12 години прв пат пробуваат такво нешто. Затоа, тврдат експертите, најдобро е превентивно да се делува.

– Треба да се води грижа во кои групи детето влегло, која идеологија ја поддржува групата. некаде многу лесно родителот може да препознае врз основа на музиката која ја слуша, врз основа на стилот на облекување. Тоа се сигнали кои од почетокот треба да се набљудуваат, истакнува Радовановиќ.

Наджените во Србија најавуваат формирање тимови за борба против наркоманија, кој ќе поминува низ основните и средни училишта и ќе држи предавања за наркоманијата и штетните последици.

Leave a Reply