Норвешката полиција денеска соопшти дека има намера да продолжи да го испрашува поранешниот член на Вагнер кој во јануари побегна во Норвешка.
Сепак, во соопштението се наведува дека Андреј Медведев останува сведок и нема обврска да разговара со истражителите.
Сепак, Медведев рече дека сака да зборува за своите искуства во војната и внатре во приватната воена компанија во сопственост на Евгениј Пригожин, за „сторителите да бидат казнети“ за нивните злосторства.
„Многумина ме сметаат за никаквец, криминалец, убиец. Најпрво сакам повторно да се извинам и иако не знам како ќе биде прифатено, сакам да кажам дека ми е жал“, изјави Медведев за Ројтерс.
„Сакам да објаснам дека јас не сум таа личност. Да, служев во Вагнер. Има некои моменти (во мојата приказна) што луѓето не ги сакаат, дури и им се придружив, но никој не се раѓа паметен“, додаде тој.
26-годишниот Медведев призна дека бил сведок на убиствата и малтретирањето на руските затвореници однесени во Украина да се борат за Вагнер.
Сите информации поврзани со најновите случувања со војната во Украина можете да ги прочитате ТУКА.