Ураган од големи размери кој со себе носи „потенцијална катастрофа“ им се заканува на жителите на Флорида, а властите во оваа земја ги предупредуваат жителите да се евакуираат поради закана од опасност.
Силни ветрови почнаа да го зафаќаат јужниот брег на Куба вчера, а ураганот Иан се очекува утре да падне на западниот брег на Флорида.
Точниот пат на ураганот е неизвесен, но гувернерот Рон Де Сантис предупреди на „широки ефекти низ целата држава“. Жителите веќе почнаа да складираат храна, вода, лекови и гориво.
Некои делови од државата не виделе ураган од оваа големина повеќе од еден век.
Националниот центар за урагани (NHC) соопшти дека очекува „брзо зајакнување“ од Иан во следните 48 часа додека се движи кон север од сегашната локација, 130 километри западно од Куба.
„Ова е навистина голем ураган во овој момент“, рече гувернерот на Флорида на прес-конференција во понеделникот, повикувајќи ги жителите „да останат смирени“, но „направете го она што треба да го направите за да бидете подготвени“.