Најмалку 12 лица загинаа, а повеќе се повредени откако милитантите на Ал Шабаб упаднаа во хотелот Хајат во Могадишу, главниот град на Сомалија, соопштија локалните власти.
Сомалискиот функционер Мохамед Абдикадир изјави за Би-Би-Си дека безбедносните сили продолжуваат да ги неутрализираат терористите кои се забарикадирале во зградата на хотелот.
„Повеќето луѓе се спасени, но досега е потврдено дека загинале најмалку осум цивили“, рече Абдикадир.
Девет лица се повредени и изнесени од хотелот, изјави претходно за Ројтерс шефот на службата за брза помош.
Полицијата соопшти дека напаѓачите активирале две експлозивни направи пред хотелот Хајат пред да влезат во зградата и да отворат оган.
Наведено е дека тие се криеле на последниот кат од хотелот, неколку часа по почетокот на нападот, а специјалната полициска единица спасила десетици гости и персонал од хотелот.
„Два автомобили-бомби го нападнаа хотелот Хајат. Еден ја погоди оградата во близина на хотелот, а другиот ја погоди капијата на хотелот. Веруваме дека терористите се внатре во хотелот“, изјави за Ројтерс локален полицаец.
Терористичката организација Ал Шабаб, која е поврзана со Ал Каеда, веќе долго време е во судир со федералната влада.
Групата контролира голем дел од јужна и централна Сомалија, но успеа да го прошири своето влијание во областите контролирани од владата со седиште во Могадишу.
Нападот во петокот е првиот чин на тероризам во главниот град на Сомалија откако во мај беше избран новиот претседател Хасан Шеик Мохамуд.
As of right now, a battle is going on in Mogadishu, Somalia’s capital.
Al-Shabab militants storm the Hayat hotel, where the head of intelligence Muhudin Warbak is located.#Somali pic.twitter.com/2dJJuVZFjD
— 301 Military (@301military) August 19, 2022