Ракометарите на Куманово утре на гостински терен против РК Прилеп го играат првиот меч од новата сезона во машката ракометна Суперлига.
– По одлично одработениот подготвителен период, Куманово влегува со амбиција за добар старт на сезоната, велат од клубот.
Клубот летово имаше и нови засилувања: Филип Мечкаровски од Струга, Марко Трајковски од Пролет, Матеј Новаковски од Бутел, Бојан Гичевски од Пелистер 2, Хамза Мамадох Ибрахим од Египет и Наум Костов од Струга.
Саша Радосављевиќ останува и сезонава шеф на стручнот штаб, кој ќе ги предводи кумановци во нови победи.
Мечот против Прилеп се игра утре од 18:30 часот во Спортската сала „Ристо Ричко“.
Никола Ивановски