Помеѓу 400 и 500 сезонски работници ги загубија животите за време на работата на организацијата на Светското првенство во Катар, изјавил катарски функционер вклучен во организацијата на првенството.
„Се проценува дека има околу 400, меѓу 400 и 500. Немам точни бројки… Но, дури и една смрт е една смрт премногу“, вели генералниот секретар на Катарскиот Врховен комитет за испорака и наследство, Хаса Ал Тавади, за британските медиуми.
Врховниот комитет е задолжен за изградбата на стадионот и другата инфраструктура откако Катар го освои шампионатот, а единствената информација досега беше дека од 2014 до крајот на 2021 година животот го загубиле 40 сезонски работници.
Според комитетот, 37 смртни случаи не биле директно поврзани со работата, како што е срцев удар, додека три смртни случаи се случиле надвор од работното место.
Катар се најде на удар на активистите за човекови права, кои тврдат дека сезонските работници работат во лоши услови на високи температури во пустината, се дискриминирани и имаат проблеми со платата и прекувремената работа.
За Светското првенство во Катар беа изградени стадиони, метро линии и инфраструктура во вредност од 200 милијарди долари.