Во украинскиот напад во текот на ноќта на Курск на западот на Русија загина едно лице, соопштија утринава локалните власти.
„Во текот на ноќта Курск беше цел на масовен непријателски напад“, објави владата на регионот Курск на Телеграм, додавајќи дека една постара жена е убиена, а девет лица се повредени.
Ukrainians have launched a massive drone attack on what looks like residential buildings in the Kursk region.
All hits appear to have no military significance. pic.twitter.com/AkHs590kNy
— ayden (@squatsons) April 15, 2025
Се додава дека жителите на градот се евакуираат поради пожарот во неколку згради.
Видеото можете да го погледнете ТУКА и ТУКА.
Властите на Курск активираа тревога за воздушен напад поради напад со проектили и беспилотни летала и ги повикаа жителите да се држат подалеку од прозорците, објави рускиот весник „Известија“.
Украинските сили зазедоа неколку стотици квадратни километри во руската област Курск, која граничи со Украина, по ненадејната офанзива во август 2024 година.
Руските сили оттогаш се обидуваат да ги отстранат и во последниве месеци повторно зазедоа повеќе од две третини од тие територии.
👀 Footage from the scene of a fire in a residential building in Kursk after a drone attack and air defense operations. pic.twitter.com/KqSFnxPutz
— MAKS 24 🇺🇦👀 (@Maks_NAFO_FELLA) April 14, 2025
Нападот на Курск уследи по разорниот руски воздушен напад врз североисточниот украински град Суми во неделата, во кој загинаа најмалку 35 луѓе и предизвика големо незадоволство кај западните лидери и ОН.
На социјалните мрежи се појавија снимки од станбени згради кои горат по украинскиот напад на Курск, со коментари дека областа била мета на никакво воено значење.