Пожарникарите на Територијалната противпожарна единица Куманово вчера изгаснале вкупно шест пожари.
Како што информираат од Регионалниот центар за управување со кризи, првата интервенција била на опожарена сува трева и стрниште во атарот на селото Романовце. Таму тројца пожарникари интервенирале од 10:00 до 11:00 часот.
Сува трева и стрниште гореле и во липковско Слупчане каде во период од 14:30 до 16:45 часот интервенирале троја пожарникари.
Во населбата Перо Чичо во период од 19:10 до 19:55 часот интервенирале двајца пожарникари на запален отпад.
Стрниште и сува трева гореле и во атарот на селото Пчиња. Таму било интервенирано во период од 17:00 до 21:35 часот од страна на шест пожарникари со две противпожарни возила.
Околу полноќ двајца пожарникари повторно биле упатени кон населбата Перо Чичо каде горел запален смет. Интервенцијата ја завршиле околу 00:30 часот.
Во селото Љубодраг гореле опожарена сува трева и стрниште. Таму интервенирале тројца пожарникари во период од 23:40 до 01:00 часот.
Во моментот нема активни пожари.
Никола Ивановски