Кумановецот Роберт Ангеловски изминатиот викенд беше дел од првата спортска конференција Coach to Coach која се одржа во Дубровник, Хрватска.
Тоа е прв ваков собир во Хрватска, на кој се собраа тим од експерти од светот на спортот кои го споделија своето знаење и искуство со учесниците преку серија презентации и работилници.
Ангеловски беше единствениот Македонец кој беше дел од оваа манифестација, чија цел е поврзување, соработка и усовршување во различни области како фитнес, спортска психологија, исхрана, физиотерапија, дијагностика на спортисти, фитнес и слично.
– Чест и задоволство беше да се биде дел од ваков настан, на кој го потврдив и надоградив досегашното знаење со професионалци од светски рамки, вели Ангеловски.
Програмата на конференцијата вклучуваше бројни предавања, работилници и панел дискусии со некои од најголемите хрватски спортски експерти кои се признати во светот.
Инаку, Роберт е сертифициран тренер за професионални атлетичари и почетници и веќе подолго време работи во оваа сфера, а од сезонава е и кондиционен тренер на подмладокот на РК Куманово.