Шефот на украинската дипломатија Дмитро Кулеба изјави дека Украина „ја преживеа најтешката зима во својата историја“ обележана со руските бомбардирања кои оставија милиони луѓе во темнина.
„Беше студено и темно, но бевме нескротливи“, напиша Кулеба на Фејсбук.
„Украина го победи зимскиот терор“, додаде тој.
Кулеба истакна дека партнерите на Украина останале покрај неа и ѝ пружиле помош.
„Победи и ЕУ, и спротивно на исмевањата на Русија, таа не замрзна без санкционираниот руски гас“, рече украинскиот министер.
Тој додаде дека „има долг пат до конечната победа“, но дека Украинците „веќе знаат како да победат“.
Во текот на зимата, низа руски ракетни и беспилотни летала напади беа насочени кон енергетските инсталации, кои редовно предизвикуваа големи прекини на струја и вода.
Западните сојузници на Киев постепено испорачуваат системи за противвоздушна одбрана, а Русија ја намали фреквенцијата и опсегот на своите напади.
Борбите се концентрирани на истокот на земјата, особено околу градот Бахмут, за кој украинската армија вчера соопшти дека е „исклучително напната ситуација“ поради тешките руски напади.
Сите информации поврзани со најновите случувања со војната во Украина можете да ги прочитате ТУКА.