Кипар ќе ја забрани употребата на мобилни телефони во училиштата, најави министерката за образование Атина Михаилиду, велејќи дека овие уреди прекумерно го одвлекуваат вниманието на учениците и често доведуваат до антисоцијално однесување.
Властите планираат да ја воведат забраната откако ќе заврши дискусијата со парламентот, рече Михаилиду.
Кипар ќе следи неколку европски земји во донесувањето забрана во согласност со препораките на УНЕСКО, пренесува Ројтерс.
Повеќе од 1,4 милиони уреди се во функција
„Јасно е дека употребата на мобилни телефони ги одвлекува вниманието на учениците од часовите, но тоа првенствено е поврзано со зголемување на асоцијалното однесување“, додаде таа.
На учениците нема да им се забранува да носат телефони на училиште, но ќе мора да ги исклучуваат за време на наставата, објасни министерот.
Официјалните податоци покажуваат дека на Кипар работат нешто повеќе од 1,4 милиони мобилни телефони, што е повеќе од населението на оваа земја, каде што помалку од милион луѓе живеат во области под контрола на владата, пренесува Хина.