Во сенка на трговската војна со Вашингтон, кинескиот јуан утринава го допре најниското ниво во последните повеќе од 17 години, во време кога Пекинг се обидува да најде рамнотежа меѓу стабилноста и поттикнувањето на извозот.
Курсот на оншор јуан падна на 7,3518 за долар, што е најниска вредност од декември 2007 година.
Слабеењето на валутата во овој контекст има двоен ефект: од една страна, го прави кинескиот извоз поконкурентен во цената, што ги ублажува ефектите од американските царини од 125 проценти, но од друга страна, го зголемува одливот на домашниот пазар и притисокот на финансискиот капитал врз домашниот пазар.
Аналитичарите предупредуваат дека премногу пад може да ја наруши довербата на инвеститорите и да го дестабилизира пазарот, особено ако кинеската централна банка не интервенира.
Овој пад доаѓа во време кога и кинеските и американските царини официјално стапија на сила, а се погласните пораки од кинеските власти за „не попуштање“ јасно сигнализираат дека финансиските алатки, вклучувајќи го и курсот на јуанот, ќе играат важна улога во продолжувањето на економското надмудрување.
Што е оншор јуан?
Onshore juan(CNY) се однесува на девизниот курс на кинескиот јуан што се тргува во рамките на континентална Кина, под директна контрола на кинеската централна банка.
За разлика од него, офшор јуанот (CNH) се користи за тргување надвор од Кина, најмногу во Хонг Конг и е поподложен на влијанието на пазарот.
Во овој случај, падот на оншор јуан значи дека вредноста на официјалниот, домашен кинески јуан падна во однос на доларот, што директно ја одразува монетарната политика на Пекинг и има пошироки импликации за глобалната трговија.