Во организација на Канцеларија за млади при Општина Куманово, а по иницијатива на ученици од СОУ Гимназија „Гоце Делчев” денеска беа изработени креативни подароци кои беа поделени на градскиот плоштад на жените минувачи по повод Интернационалниот ден на жената – 8 Март.
– Остваривме средба и со Претседателката на Совет на Општина Куманово, г-ѓа Ивана Ѓорѓиевска каде што ги запознавме средношколците со раководната структура и тимот на кабинетот на градоначалникот, составен од припаднички на понежниот пол во Општина Куманово. Им благодариме на сите, обични и необични, жени што го прават светов поубав, покреативен, поправеден, порадосен, пољубовен, потолерантен, вели Мартин Крстиќ, советник за млади при Општина Куманово.
