Од полноќ ново поевтинување на горивата

Сподели со своите пријатели

Од ноќеска на полноќ се намалуваат малопродажните цени на горивата, одлучи денеска Регулаторната комисија за енергетика.

Малопродажните цени на ЕУРОСУПЕР БС-95 и ЕУРОСУПЕР БС-98 се намалуваат за два денари по литар. Со измената, бензинот БС-95 ќе се продава за 84 денари, а БС-98 за 86 денари за литар.

Дизелот ЕУРОДИЗЕЛ (Д-Е V) поевтинува за 2,5 денари, па новата цена ќе изнесува 92 денари за литар.

Намалување има и кај екстралесното масло за домаќинство (ЕЛ-1), чија цена се спушта за три денари и ќе изнесува 100,50 денари за литар.

Мазутот М-1 НС поевтинува за 0,998 денари за килограм, со што новата малопродажна цена ќе изнесува 48,314 денари за килограм.

ПРОЧИТАЈТЕ И:  Делови од кумановско денеска и утре без струја

Новите цени се утврдени во однос на претходната одлука од 9 ноември 2026 година.