12.09.2019 09:26

Како Финска им помага на новите родители?


Како да ги победиме црните статистики со кои годишно губиме многу жители? Дел од одговорот може да лежи во она што го прават Финците. На секое новороденче му е обезбедена кутија – колевка со неопходни предмети во вредност од над 300 евра.

Пред еден месец, момче пристигнало во домот на Томас и Сузана Соџил. Неговото име сè уште не е откриено, бидејќи тоа е обичај во Финска – сè додека бебето не се крсти. Исто така, традиција е дека во пресрет на раѓањето на детето, пакет од државата пристигнува на адреса на родителите.

loading...

„Тој е наше прво дете и немавме ништо за бебето, така да се ни е добредојдено“, вели Сузана, додека Томас додава дека почитувањето на таквата традиција испраќа добра порака и покажува дека државата се грижи за луѓето.

Таа традиција започна пред скоро 100 години кога волонтерите шиеле и подготвувале корпа со предмети за сиромашните семејства.

Секоја година, Финците ја менуваат содржината на кутијата барем малку. Бебињата родени во 2019 година добија вкупно 63 подароци, вклучително и блузи, боди, ракавици, капачиња… Она што не се менува е на дното на кутијата – душек кој ја има својата симболика.

И тоа е, шансите се еднакви за сите при раѓање. Многу бебиња во таа кутија спијат, барем во раните месеци. Родителите можат да избираат помеѓу парична помош и кутија. Но, постои еден услов.

„Треба да посетите  лекар за да добиете кутија. Затоа, сите мајки треба да посетат гинеколог кој ќе провери дали сè е во ред со бременоста и бебето “, објаснува Ела Наси од институцијата за социјално осигурување.

Тие веруваат дека ова е исто така една од причините зошто тие имаат најниска стапка на смртност кај новороденчиња денес – две на 1.000 породување. Дури 95 проценти од мајките избираат кутија затоа што вреди повеќе од 300 евра, додека финансиската помош е 170 евра.

„Ова е симболичен подарок затоа што не се потребни сите овие работи на сите мајки, но тие ги ценат. Тие се покажаа како практични и родителите не мора да трчаат по продавниците и да мислат што им треба “, истакнува Ела Наси.


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments