САД треба да ги вратат замрзнатите авганистански средства и да платат камата за нив, изјави Замир Кабулов, претставник на рускиот претседател Владимир Путин во Авганистан.
„Американците треба целосно да ги вратат замрзнатите авганистански средства и да платат камата за тие блокирани средства. Ова е прашање на принцип. Без тоа, ние не се гледаме себеси во истиот тим како Американците“, изјави тој за ТАСС.
Кабулов ја коментираше и посетата на Авганистан во декември, велејќи дека тој и дел од авганистанското раководство разговарале за натамошно зајакнување на односите, со оценка дека посетата била конструктивна.
„Фокусот, разбирливо, беше на политичките прашања, на тоа како да се градат односите со надворешниот свет. Во секој случај, авганистанското раководство има позитивен став кон пристапите на земјите од регионот во рамките на „Московски формат“. Имаат многу прашања за односот на Западот, кој, како што тие го гледаат, води не само непријателска, туку и субверзивна политика“, рече Кабулов.