Војската на Јужна Кореја планира да го засили надзорот над Северна Кореја додека Уставниот суд се подготвува да ја донесе својата одлука за отповикување на претседателот Јун Сук-Јол, објави денеска Здружениот началник на Генералштабот (JCS).
Уставниот суд планира да ја објави својата пресуда за импичмент утре, речиси четири месеци откако Националното собрание го отповика за неговото кратко воведување воена состојба на 3 декември, објави Јонхап.
„Ќе ги преземеме неопходните мерки и ќе го зголемиме надзорот“, рече портпаролот на JCS, полковник Ли Сунг Џун на брифингот со новинарите на прашањето дали војската планира да спроведе мерки поврзани со безбедноста на денот на пресудата.
Полицијата денеска ги стави силите на второто највисоко ниво на тревога, додека највисокото ниво на тревога во кое се вклучени сите сили ќе биде објавен утре.
Вршителот на должноста министер за одбрана Ким Сеон Хо се очекува да одржи состанок со клучните команданти по пресудата за импичмент.
Парламентот на Јужна Кореја го отповика Јун на 14 декември, тврдејќи дека тој ги прекршил Уставот и другите закони со воведувањето воена состојба на 3 декември минатата година, пренесува Танјуг.