Акциите на јапонскиот стартап Astroscale поскапеа за цели 19 отсто во понеделникот, откако компанијата што врши операции во вселената објави дека ќе потпише договор вреден 73,4 милиони евра (12 милијарди јени) со јапонската вселенска агенција.
Astroscale објави во вторникот дека ќе потпише петгодишен договор за отстранување на остатоци од орбитата на Земјата со Јапонската агенција за воздушно истражување (JAXA).
Притоа, тие ќе развијат ново вселенско летало наречено ADRAS-J2, кое ќе го опремат со технологија за роботска рака за фаќање вселенски отпад.
Целта е да се започне со собирање отпад до март 2029 година, се вели во соопштението на компанијата.
Вселенскиот отпад се повеќе станува ризик за мисиите во вселената, бидејќи бројот на сателити во орбитата драстично се зголеми.
Последниот случај во кој ризикот од судир на вселенски отпад и сателити е предизвикан од кинеска ракета која се распадна во вселената на почетокот на август, создавајќи повеќе од 700 парчиња нов отпад што сега орбитираат околу Земјата.