Јапонија денеска воведе нови санкции против Русија насочени кон 12 поединци и 33 организации поради рускиот напад врз Украина, соопшти јапонската влада.
Во соопштението се наведува дека санкциите се насочени кон 11 поединци и 32 организации во Русија, како и едно лице во Северна Кореја и една банка во Грузија, објави Кјодо.
Владата, исто така, забрани извоз во други 53 организации, од кои 22 се руски и 18 кинески, во обид да спречи извозните производи да се користат за зајакнување на руската индустрија.
Забележано е дека списокот на јапонски производи чиј извоз во Русија сега е забранет е проширен за уште 335 артикли.
Јапонија, заедно со другите западни земји, воведува економски санкции кон Русија откако таа ја започна инвазијата на Украина во февруари 2022 година.