Зоран Заев денес го достигна врвот на монструозноста, обвини денес на вонреден прес, министерката за внатрешни работи Гордана Јанкулоска по повод објавените прислушкувани разговори за убиството на Мартин Нешковски, а објавени од Социјалдемократскиот Сојуз.
– Денес повторно поигрувајќи си со емоции на најгруб начин злоупотребувајќи ја трагичната смрт на еден млад човек, за која не постои човек кој не чувствува жалење и не е погоден, покажа дека за да оствари политички профит е буквално спремен на се- монструозни конструкции, мрачни сценарија и најгруби манипулации. Повеќе од три месеци Зоран Заев најбрутално се изживува со една група на луѓе вклучувајќи ме и мене. Не престанува да не претставува на начин каков што може да замисли само еден болен ум. На такво нешто нема човек што може да остане рамнодушен, рече Јанкулоска.